HUMANITARIAN
& DEVELOPMENT
FOUNDATION
for MYANMAR™

မြန်မာနိုင်ငံအတွက် လူသားချင်းစာနာထောက်ထားမှုနှင့် ဖွံ့ဖြိုးတိုးတက်ရေး ဖောင်ဒေးရှင်း (Humanitarian and Development Foundation for Myanmar - HDFM) သည် US အခြေစိုက် တရားဝင်မှတ်ပုံတင်ပြီး ပရဟိတအဖွဲ့အစည်းတစ်ခုဖြစ်ပါသည်။ ကျွန်ုပ်တို့၏အဖွဲ့အစည်းတွင် အသက်အရွယ်စုံပါဝင်ကြပြီး မတူညီသောနောက်ခံအခြေအနေများမှ မိတ်ဆွေများဖြင့် ဖွဲ့စည်းထားကာ “မြန်မာနိုင်ငံကို ပိုမို၍အပြုသဘောဆောင်သော အနာဂတ်တစ်ခုဆီသို့ ဖွံ့ဖြိုးတိုးတက်စေရန်” ဟူသည့် တစ်ခုတည်းသောဦးတည်ချက်အတွက် ဆောင်ရွက်နေကြခြင်း ဖြစ်ပေသည်။ ၂၀၂၁ ခုနှစ် ဖေဖော်ဝါရီလ ၁ ရက်နေ့က စစ်တပ်အာဏာသိမ်းလိုက်သည့်အချိန်မှစ၍ မြန်မာနိုင်ငံမှ ပြည်သူများမှာ တစ်တိုင်းပြည်လုံးအတိုင်းအတာဖြင့် စိတ်ပိုင်းဆိုင်ရာမလုံခြုံမှုများနှင့် ထိတ်လန့်ခြောက်ခြားမှုများကြောင့် ဖြစ်ပေါ်လာသော စိတ်ဒဏ်ရာများကို ကြုံတွေ့ခံစားနေကြရကာ ကမ္ဘာတစ်လွှားမှလည်း ထိုကိစ္စ၏ နောက်ဆက်တွဲဂယက်များကို သိရှိခံစားခဲ့ရလေသည်။ ကျွန်ုပ်တို့၏ စေတနာ့ဝန်ထမ်းများအနေဖြင့်
၁. မြန်မာနိုင်ငံအတွင်း လူသားချင်းစာနာထောက်ထားမှုနှင့် ပြည်သူလူထု၏ လူမှုအသိုက်အဝန်းပြဿနာများကို ပိုမို၍ သတိပြုအလေးထားမိလာကြစေရေးအတွက် လှုပ်ရှားဆောင်ရွက်ရန်နှင့် 
၂. လက်ရှိအချိန်အပြင် အနာဂတ်တွင်ပါကြုံတွေ့လာရနိုင်သည့် မရှိမဖြစ်လိုအပ်ချက်များကို ပြည်သူများ ကြံ့ကြံ့ခံနိုင်စေရေးအတွက် အလှူရှင်များရှာဖွေရန် အရေးတကြီး လိုအပ်နေသည်ကို သဘောတူညီစွာဖြင့် စုစည်းဖြစ်တည်လာခဲ့ခြင်း ဖြစ်ပါသည်။ 
ကျွန်ုပ်တို့သည် အသက်အရွယ်အမျိုးမျိုးသော လူပေါင်း ၃၀,၀၀၀ ကို အထောက်အပံ့ပေးနိုင်ခဲ့ပြီး ဖြစ်သည်။ ထို့အပြင် မီးရထားဝန်ထမ်းများ၊ ဆရာ/မများ၊ ကျန်းမာရေးဝန်ထမ်းများကဲ့သို့သော ပြည်သူ့ဝန်ထမ်းများအပါအဝင် တောင်သူလယ်သမားများ၊ အခြေခံလက်လုပ်လက်စားဝန်ထမ်းများ၊ ဘဏ်ဝန်ထမ်းများ၊ ကျောင်းသူ/သားများနှင့် စစ်ဘေးရှောင်များအတွက် အရေးပေါ်လိုအပ်နေသော အစားအစာ၊ ကျန်းမာရေးစောင့်ရှောက်မှုများနှင့် နှစ်သိမ့်ဆွေးနွေးမှုများကို ထောက်ပံ့ပေးနိုင်ခဲ့ပါသည်။ HDFM အနေဖြင့် မြန်မာနိုင်ငံ၏အခြေအနေ ပိုမိုတိုးတက်ကောင်းမွန်လာစေရေးအတွက် အလှူငွေများကောက်ခံခြင်းနှင့် အလှူငွေများကို ဖြန့်ဝေပေးခြင်းတို့ကို ဆောင်ရွက်ရာတွင် ပိုမိုပူးပေါင်းပါဝင်နိုင်မည့် လုပ်ငန်းစဉ်များအတွက် ယန္တရားတစ်ခုအဖြစ် ထမ်းဆောင်ပေးသွားမည်ပင် ဖြစ်ပါသည်။